لوحة نخوة للمستشفيات
مستشفاك يراجع طلبات الدم بنفسه، ويشوف منو جاي يتبرع، ويؤكّد التبرع لما يوصل. مجانية، وبتطبيق خاص بالمستشفى.
شنو تسوي اللوحة
يراجع الطلبات بنفسه
كل طلب دم باسم مستشفاكم يوصل للوحة أول، والموظف يطابق الورقة بأربع نقاط قبل ما ينتشر.
فريق وصلاحيات
المدير يضيف موظفين، كل واحد باسم ورمز دخول، ويحدد شنو يقدر يسوي: يراجع، ينشر، يؤكّد التبرع.
يعرف منو جاي يتبرع
لما متبرع يضغط «رايح أتبرع» يبين باللوحة، ولما يوصل الموظف يؤكّد تبرعه برمز من موبايله.
أرقام المستشفى
كم طلب، كم وحدة وصلت، وكم متبرع جه، بالأسبوع والشهر.
ما ينتشر طلب بدون الورقة
الموافقة تحتاج النقاط الأربع كلها، والخادم نفسه يرفض أي موافقة ناقصة. والرفض يكون بسبب واضح يوصل لصاحب الطلب حتى يصلّحه.
- اسم المريض مطابق
- الزمرة O− مطابقة
- ختم المستشفى واضح
- التاريخ حديث
شلون ينضم مستشفاكم
ما يكلّف شي، وياخذ يوم أو يومين.
راسلونا
اسم المستشفى، المحافظة، ورقم مصرف الدم. يفضّل يراسلنا مدير المستشفى أو مسؤول مصرف الدم.
نضيف المستشفى
نثبّت موقعه على الخريطة وأوقات مصرف الدم، ونسوي حساب المدير: اسم دخول ورمز دخول.
تنزّلون «لوحة نخوة»
تطبيق أندرويد خاص بالمستشفى. المدير يدخل ويضيف فريقه، ومن هذيج اللحظة طلبات مستشفاكم تمر من عندكم.
خصوصية المرضى
ورقة الطلب واسم المريض يشوفهن موظفين المستشفى اللي عندهم صلاحية المراجعة بس. الورقة تنحذف تلقائياً بعد ٣٠ يوم من انتهاء الطلب، ورقم المتبرع يبين للمستشفى بس إذا ضغط «رايح أتبرع» لطلب عندكم، ويبقى عندكم بسجل الطلب حتى تتواصلون وياه. التفاصيل بصفحة الخصوصية.